الحالات المسموح بها التظلمات لاطباء التكليف
حالات تظلم التكليف
بنود التظلم...
1- سماح المجموع:
تعريفه بالنسبة لإدارة التكليف هو : ان الطبيب يتظلم لإن فيه رغبة تسبق الرغبة اللي جاتله مع ان مجموعه يجيبها..
يعني مثلا انا جالي الرغبة رقم 100 مع ان الرغبة رقم 80 مجموعي يجيبها...في الحالة دي تظلم سماح المجموع هيجيبلي الرغبة رقم 80 بدون تردد
تظلم سماح المجموع بيكون من خلال الموقع بس ومش محتاج أي ورق يتقدم لاي حتة
وبيبقى من حقنا نقدم سماح مجموع على رغبة واحدة بس...
يعني هيبقى فيه خانة واحدة بس تدخلها في سماح
المجموع...يا تيجي يا متجيش
2- الأعذار الصحية:
الأعذار الصحية اللي هيقبلوا بيها هي نفس السنة اللي فاتت..ومعظم الأمراض التانية مش هتفيد في التظلم..
* مرض أحد الوالدين بأحد الأمراض المزمنة الآتية:
- الفشل الكبدي
- زراعة الكبد
- الفشل الكلوي مع غسيل الكلي
- زراعة الكلي
- فقدان البصر
- أمراض نفسية مستعصية
- شلل نصفي أو شلل رباعي
- الأورام السرطانية
السنة دي إما يكون معاك شهادة من كومسيون طبي "لجنة ثلاثية" بمرض أحد الوالدين او بمرضك انت شخصيا.....أو هتقدم شهادة صحية عادية وتبقى عامل حسابك انهم هيعرضوا صاحب الحالة الصحية على كومسيون طبي تابع لإدارة التكليف.....ولو ثبت التلاعب...هيتضر بشكل كبير اللي عملك الشهادة الصحية المتفبركة
إذا كان التظلم بسبب حالة صحية لأحد الوالدين بس...ده ممكن يتقبل بس مش شرط
إنما لو كان مصاحب للحالة المرضية انه يكون أكبر اخواته او يكون اخواته الكبار متجوزين وده يثبته مستند القيد العائلي أو اخواته مسافرين وده يثبته بشهادة التحركات من مجمع التحرير...وفي الحالة دي تظلمه بيتقبل إن شاء الله بدون شك
تظلم الأعذار الصحية بتحتاج تدخل على الموقع الأول وبعدين تروح لإدارة التكليف في الفلكي " محطة سعد زغلول " ومعاك الشهادات الصحية في حالة مرض أحد الوالدين..
3- الأعذار الإجتماعية:
برضو نفس الأعذار الإجتماعية بتاعة السنة اللي فاتت " (طلاق أحد الوالدين) - (زواج الذكور + يعول او حالة مرضية للوالدين) - (وفاة أحد الوالدين) - (طلاق المكلفة) - (المعافاة من التجنيد + الوالد فوق سن الستين)"
معظم الأعذار الصحية بتحتاج إثبات بمستند القيد العائلي وده بيتعمل في السجل المدني وبياخد وقت من أسبوع ل 10 أيام...
والورق اللي بنحتاجه لإستخراج القيد العائلي " صورة بطاقة الشخص نفسه + صورة بطاقة او شهادة ميلاد كل شخص في العائلة ( اب - ام - اخ - اخت ) + ما يثبت زواج الأخ او الاخت ( صورة قسيمة الزواج ) إذا كان مش مثبت في بطايقهم + صورة شهادة الوفاة كمبيوتر (إن وجدت) + صورة قسيمة زواج او طلاق الوالدين (كمبيوتر او من السجل) + نموذج 40 بنجيبه من هناك "
تفاصيل شوية عن الأعذار الإجتماعية...
- الطبيبة المتزوجة أو المطلقة بتقدم قسيمة الزواج أو الطلاق....وبيتقبل إن شاء الله
- العائل الوحيد...وده معناه انه...بالإضافة لكون الوالد فوق سن ال 60 او مريض وغير قادر على العمل او انه مسافر او متوفي...ان الطبيب (أو الطبيبة) يكون هو الإبن الوحيد او ان يكون هو اكبر اخواته او ان يكون اخواته الأكبر منه متزوجين او مسافرين ...كل ده طبعا يثبت بالقيد العائلي ....والأطباء الذكور اللي معاهم شهادة إعفاء بيقدموها (صورة طبق الأصل) مع القيد العائلي وشهادة التحركات في حالة سفر الأخوات او الوالد والشهادات المرضية في حالة مرض الوالد....والتظلم ده بيتقبل إن شاء الله
- الطبيب المتزوج....يقدم قسيمة الزواج ولكن فرصة تظلمه ضعيفة إذا مكانش هو العائل الوحيد للأسرة او كان فيه حالة مرضية لأحد الوالدين...وده بيثبت بالقيد العائلي....وفي الحالة دي بيبتقبل إن شاء الله...أما اللي متزوج بس ومش العائل الوحيد....يقدم برضو تظلمه وممكن برضو يتقبل في ظل سماح الإحتياجات....
- طلاق أحد الوالدين....يثبت بالقيد العائلي وبفضل ان يكون هو العائل الوحيد للأسرة...وبيتقبل إن شاء الله
- وفاة أحد الوالدين....يثبت بالقيد العائلي ويفضل ان يكون هو العائل الوحيد للأسرة....وبيتقبل إن شاء الله
تظلمات الأعذار الإجتماعية زي الأعذار الصحية بتحتاج تدخل على الموقع الأول وبعدين تروح لإدارة التكليف في الفلكي " محطة سعد زغلول " ومعاك الأوراق اللازمة....
4- التبديل:
التبديل ممكن يكون بين أي 2 وبيتقبل إن شاء الله بس بشرط ان الاتنين بعد ما يبدلوا كل واحد يروح يستلم في الإدارة بتاعته...
وده ينطبق كمان على موضوع التبديل مع الناس اللي ليها نيابة جامعة ومش هتقعد في التكليف غير شهور بسيطة...ومرة تانية لازم الاتنين يستلموا في الإدارة بعد التبديل...
التبديل لازم من خلال التظلمات ومش هينفع يحصل تبديل مثلا في شهر مايو او يونيو...
أي كلام يقال عن إن التبديل يضر بالناس اللي ليها نيابات...لا أصل له من الصحة
التبديل بيكون عن طريق الموقع في الأول وبعدين الاتنين بيتوجهوا لإدارة التكليف في الفلكي " محطة سعد زغلول " ومعاهم الأوراق اللازمة....
______________________________________________
مقتطفات سريعة:
1- الورق بيتقدم لإدارة التظلمات في إدارة التكليف وعنوانها في القاهرة عمارة 22 شارع الفلكى الدور التاني - بجانب وزارة الصحة....ومن المترو محطة سعد زغلول ومشي كمان اقل من 10 دقايق....احتمال برضو الموقع يقول على أماكن تانية لتقديم الورق في المحافظات...
2- ممكن تستلم عادي في الإدارة اللي جت لك - لو مفيش موانع قهرية - يعني لو المكان مش شديد البعد عنك..ومتقلقش وقت ما نتيجة التظلمات تظهر هتقدر تخلي من الإدارة بتاعتك وتروح الإدارة الجديدة ومحدش يقدر يمنعك من ده لإنه حقك...وزي ما الوزارة جابتك المكان الأولاني هتنقلك للمكان التاني...وخصوصا ان تأخير الإستلام ممكن يعرض فرصتك في التقديم للنيابات الملحة في نوفمبر 2012 او للنيابات الكاملة في مايو 2013 لبعض الخطر...
4- ممكن بشكل ودي وبالتفاوض مع المديرية وحسب الإحتياجات انك تنقل تكليفك داخل المديرية من إدارة لإدارة...لكن لو مرضيوش برضو ده حقهم ومش حقك.....أما لو المديرية طلبت منك تروح إدارة تانية غير الإدارة اللي جايالك في النتيجة فانت من حقك ترفض ومش حقهم يجبروك
______________________________________________
التظلمات هتفتح على الموقع http://mhealth.cu.edu.eg/
1- سماح المجموع:
تعريفه بالنسبة لإدارة التكليف هو : ان الطبيب يتظلم لإن فيه رغبة تسبق الرغبة اللي جاتله مع ان مجموعه يجيبها..
يعني مثلا انا جالي الرغبة رقم 100 مع ان الرغبة رقم 80 مجموعي يجيبها...في الحالة دي تظلم سماح المجموع هيجيبلي الرغبة رقم 80 بدون تردد
تظلم سماح المجموع بيكون من خلال الموقع بس ومش محتاج أي ورق يتقدم لاي حتة
وبيبقى من حقنا نقدم سماح مجموع على رغبة واحدة بس...
يعني هيبقى فيه خانة واحدة بس تدخلها في سماح
المجموع...يا تيجي يا متجيش
2- الأعذار الصحية:
الأعذار الصحية اللي هيقبلوا بيها هي نفس السنة اللي فاتت..ومعظم الأمراض التانية مش هتفيد في التظلم..
* مرض أحد الوالدين بأحد الأمراض المزمنة الآتية:
- الفشل الكبدي
- زراعة الكبد
- الفشل الكلوي مع غسيل الكلي
- زراعة الكلي
- فقدان البصر
- أمراض نفسية مستعصية
- شلل نصفي أو شلل رباعي
- الأورام السرطانية
السنة دي إما يكون معاك شهادة من كومسيون طبي "لجنة ثلاثية" بمرض أحد الوالدين او بمرضك انت شخصيا.....أو هتقدم شهادة صحية عادية وتبقى عامل حسابك انهم هيعرضوا صاحب الحالة الصحية على كومسيون طبي تابع لإدارة التكليف.....ولو ثبت التلاعب...هيتضر بشكل كبير اللي عملك الشهادة الصحية المتفبركة
إذا كان التظلم بسبب حالة صحية لأحد الوالدين بس...ده ممكن يتقبل بس مش شرط
إنما لو كان مصاحب للحالة المرضية انه يكون أكبر اخواته او يكون اخواته الكبار متجوزين وده يثبته مستند القيد العائلي أو اخواته مسافرين وده يثبته بشهادة التحركات من مجمع التحرير...وفي الحالة دي تظلمه بيتقبل إن شاء الله بدون شك
تظلم الأعذار الصحية بتحتاج تدخل على الموقع الأول وبعدين تروح لإدارة التكليف في الفلكي " محطة سعد زغلول " ومعاك الشهادات الصحية في حالة مرض أحد الوالدين..
3- الأعذار الإجتماعية:
برضو نفس الأعذار الإجتماعية بتاعة السنة اللي فاتت " (طلاق أحد الوالدين) - (زواج الذكور + يعول او حالة مرضية للوالدين) - (وفاة أحد الوالدين) - (طلاق المكلفة) - (المعافاة من التجنيد + الوالد فوق سن الستين)"
معظم الأعذار الصحية بتحتاج إثبات بمستند القيد العائلي وده بيتعمل في السجل المدني وبياخد وقت من أسبوع ل 10 أيام...
والورق اللي بنحتاجه لإستخراج القيد العائلي " صورة بطاقة الشخص نفسه + صورة بطاقة او شهادة ميلاد كل شخص في العائلة ( اب - ام - اخ - اخت ) + ما يثبت زواج الأخ او الاخت ( صورة قسيمة الزواج ) إذا كان مش مثبت في بطايقهم + صورة شهادة الوفاة كمبيوتر (إن وجدت) + صورة قسيمة زواج او طلاق الوالدين (كمبيوتر او من السجل) + نموذج 40 بنجيبه من هناك "
تفاصيل شوية عن الأعذار الإجتماعية...
- الطبيبة المتزوجة أو المطلقة بتقدم قسيمة الزواج أو الطلاق....وبيتقبل إن شاء الله
- العائل الوحيد...وده معناه انه...بالإضافة لكون الوالد فوق سن ال 60 او مريض وغير قادر على العمل او انه مسافر او متوفي...ان الطبيب (أو الطبيبة) يكون هو الإبن الوحيد او ان يكون هو اكبر اخواته او ان يكون اخواته الأكبر منه متزوجين او مسافرين ...كل ده طبعا يثبت بالقيد العائلي ....والأطباء الذكور اللي معاهم شهادة إعفاء بيقدموها (صورة طبق الأصل) مع القيد العائلي وشهادة التحركات في حالة سفر الأخوات او الوالد والشهادات المرضية في حالة مرض الوالد....والتظلم ده بيتقبل إن شاء الله
- الطبيب المتزوج....يقدم قسيمة الزواج ولكن فرصة تظلمه ضعيفة إذا مكانش هو العائل الوحيد للأسرة او كان فيه حالة مرضية لأحد الوالدين...وده بيثبت بالقيد العائلي....وفي الحالة دي بيبتقبل إن شاء الله...أما اللي متزوج بس ومش العائل الوحيد....يقدم برضو تظلمه وممكن برضو يتقبل في ظل سماح الإحتياجات....
- طلاق أحد الوالدين....يثبت بالقيد العائلي وبفضل ان يكون هو العائل الوحيد للأسرة...وبيتقبل إن شاء الله
- وفاة أحد الوالدين....يثبت بالقيد العائلي ويفضل ان يكون هو العائل الوحيد للأسرة....وبيتقبل إن شاء الله
تظلمات الأعذار الإجتماعية زي الأعذار الصحية بتحتاج تدخل على الموقع الأول وبعدين تروح لإدارة التكليف في الفلكي " محطة سعد زغلول " ومعاك الأوراق اللازمة....
4- التبديل:
التبديل ممكن يكون بين أي 2 وبيتقبل إن شاء الله بس بشرط ان الاتنين بعد ما يبدلوا كل واحد يروح يستلم في الإدارة بتاعته...
وده ينطبق كمان على موضوع التبديل مع الناس اللي ليها نيابة جامعة ومش هتقعد في التكليف غير شهور بسيطة...ومرة تانية لازم الاتنين يستلموا في الإدارة بعد التبديل...
التبديل لازم من خلال التظلمات ومش هينفع يحصل تبديل مثلا في شهر مايو او يونيو...
أي كلام يقال عن إن التبديل يضر بالناس اللي ليها نيابات...لا أصل له من الصحة
التبديل بيكون عن طريق الموقع في الأول وبعدين الاتنين بيتوجهوا لإدارة التكليف في الفلكي " محطة سعد زغلول " ومعاهم الأوراق اللازمة....
______________________________________________
مقتطفات سريعة:
1- الورق بيتقدم لإدارة التظلمات في إدارة التكليف وعنوانها في القاهرة عمارة 22 شارع الفلكى الدور التاني - بجانب وزارة الصحة....ومن المترو محطة سعد زغلول ومشي كمان اقل من 10 دقايق....احتمال برضو الموقع يقول على أماكن تانية لتقديم الورق في المحافظات...
2- ممكن تستلم عادي في الإدارة اللي جت لك - لو مفيش موانع قهرية - يعني لو المكان مش شديد البعد عنك..ومتقلقش وقت ما نتيجة التظلمات تظهر هتقدر تخلي من الإدارة بتاعتك وتروح الإدارة الجديدة ومحدش يقدر يمنعك من ده لإنه حقك...وزي ما الوزارة جابتك المكان الأولاني هتنقلك للمكان التاني...وخصوصا ان تأخير الإستلام ممكن يعرض فرصتك في التقديم للنيابات الملحة في نوفمبر 2012 او للنيابات الكاملة في مايو 2013 لبعض الخطر...
4- ممكن بشكل ودي وبالتفاوض مع المديرية وحسب الإحتياجات انك تنقل تكليفك داخل المديرية من إدارة لإدارة...لكن لو مرضيوش برضو ده حقهم ومش حقك.....أما لو المديرية طلبت منك تروح إدارة تانية غير الإدارة اللي جايالك في النتيجة فانت من حقك ترفض ومش حقهم يجبروك
______________________________________________
التظلمات هتفتح على الموقع http://mhealth.cu.edu.eg/
ليست هناك تعليقات:
إرسال تعليق