كيف تختار تخصصك الطبى الجزء الثالث

تخصص امراض النساء والتوليد

تناول جديد للمزايا و العيوب

اولا المميزات

رقم واحد:بعكس كل التخصصات الطبية طبيب التوليد يتعامل مع عملية فسيولوجية بحته وهو مجرد منظم ومتابع لهذه العملية الا وهي وضع الام لطفلها وهذه في حد ذاتها منتهي المتعة

رقم اتنين: هذا التخصص يجمع بين مهارة تشغيل المخ والمهارات اليدوية الجراحية بمعني انه يجمع بين الميديسن والجراحة في التعامل مع
المريض يعني بتحب باطنة هتلاقيلك مجال فيه بتحب جراحة هتشبع رغبتك فيه يعني تخصص اتنين في واحد

رقم تلاتة: ال FIELD بتاعه واسع جدااااااااا يعني بخلاف التخصصات التقليدية  فيه NEW TRENDS او SUB SPECIALITIES من الحقن المجهري والتلقيح الصناعي وغيرها من المجالات بالاضافة لشغل المناظير  Laparoscopy

رقم اربعة:من اكتر التخصصات اللي فيها دايما جديد ومتتوقفش عن حد وعاوزة متابعة جيدة لكل  الحاجات الجديدة بالاضافة ان اللي يتخصص التخصص ده لازم يكون قاري وفاهم في التخصصات التانية زي الباطنة والاطفال أو النيونيت لانك بتتعامل مع المريضه ككل مش مع عضو او سيستم منفصل

رقم خمسة:مجزي ماديا بالذات خصوصا بالنسبة للاطباء الميل وكمان مطلوب جدااااااااا جداااااااا للسفر وفرصة الفيميل هنا اكبر....

رقم سته:ودي انا شايفاها انها التزام مننا اكتر من انها ميزة  ان واجب علي الطبيبة انها تتخصص هذا التخصص وتبقي شاطرة فيه حفاظا علي النساء المسلمات من كشف عوراتهم ..

ثانيا العيوب

رقم واحد تخصصص مرهق جدااااااا نفسيا وبدنيا وفيه STRESS فظيع ونبطشياته كتيييييييييير
ومش اي حد يقدر يستحمله وبالذات للفيميل  وبيأثر تأثير جامد جداااااا علي حياتها الاسرية
وبيغير كتيييييير في شخصيتها

رقم اتنين:تخصص مش سهل ومحتاج تدريب جامد جدااا  ولازم تكون متابع اول بأول وتقرا كتييييييير لان زي ما قولت انه كل يوم فيه جديد ودي ميزة للي بيتابع الجديد وعيب للي مش متابع الجديد

رقم تلاتة: وده عيب خاص بينا الطبيبات ان طبعا نظرة الناس ان الدكتورة دايما مش بتفهم وانها مش خبرة زي الدكتور وان دايما بيطلع من تحت ايديها كوارث..

-----------------------------------------------

تخصص الجلدية

المزايـــــــــــــا
أولا تخصص مريح جدا لانه ولا فيه نبتشيات ولا سهر ولا وجع دماغ
ثانيا ممتع في شغله خصوصا بعد دخول شغل الليزر فيه
ثالثا مفيهوش خطر يعني تخصص هادئ
رابعا مربح خصوصا بعد شغل الليزر اللي حقق انجازات كبيرة في التخصص ده ورفع قيمته أوي كمان بعد التعمق في شغل الاندرولوجي برده رفع قيمته أوي والفيمال بتوع الجلدية مطلوبين اوي في دول الخليج
خامسا مناسب جدا للفيمال لانه هاتقدر الفيمال توفق بين الشغل وبين الاسرة بحكم هدوء التخصص وراحته
سادسا التعليم فيه مش محتاج مستشفي كبيرة يعني ممكن بسهولة جدا تجيب كتاب وتقرا منه وتشوف الصور وتنجح يعني ممكن تعلم نفسك بنفسك بس طبعا شغل الليزر ولا شغل ال اندرولوجي عاوز شغل عملي واكينيكلي في مستشفي او مكان كويس

العيـــــــــــــــوب

أولا
بالنسبة لناس كتير مش هو التخصص اللي يرضي طموح دكاترة كتير بس في نفس الوقت فيه ناس بتموووت في التخصص ده
ثانيا
لو عاوز تتعلم شغل الليزر مش هاتلاقي اماكن كتير تتعلم فيها يمكن في الجامعات ومش اي جامعات يمكن جامعة زي الزقازيق هاتلاقي فيها قسم كويس بس ازاي تشتغل هناك هيا دي الفكرة
مش شايف عيوب تانية يمكن يكون فيه بس انا بصراحة مش شايف بس انا شايف حاجة مهمة اوي .................. ألا و هي

انه مميزاته أكتر من عيوبه خصوصا للفيمال

-------------------------------------------

تخصص الانف والاذن

مزاياه

أولا تخصص مريح مفيهوش نبتشيات ولا سهر مفيش غير يمكن استدعاء في الحالات الطارئة وده نادر لما بيحصل وفي نفس الوقت بيتحط اسمي في النبتشيات بتاعة المستشفي بعد ما ابقى ياخصائي طبعا واخد فلوس النبتشية
غير انه شغله نفسه مريح يعني مفيهوش عك كتير والامراض بتاعته معروفة وبسيطة وسهلة التشخيص بس طبعا فيه حالات مش سهلة
ثانيا يجمع بين مزايا الجراحة ومزايا الباطنات لانه فيه الاتنين
ثالثا ماديا الي حد ما كويس يعني مش فوق قؤي ولا تحت قؤي ممكن تقول وسط
رابعا دراسته لذيذة للي يحبه وبسيطة وسهل تاخد فيه ماستر او شهادة اعلي من الماستر مطلوب في السفر بره

عيوبة

تخصصات كتير بتدخل معاك في شغل الانف والاذن زي بتوع الاطفال والممارس العام فا يعني شغله موزع علي تخصصات كتير ويمكن كمان بتوع الباطنة
مجال العمليات بتاعته مش كبير يعني الفيلد نفسه مش واسع يعني مش هاتقدر تشتغل فيه براحتك
لو اشتغلت في الصحة مش هاتعمل غير لوز ولحمية ويقؤولوا عليك دكتور اللوز
اسعار عملياته رخيصة يعني اللوز مثلا ممكن الدكتور ياخد من 300 الي 400 جنيه
لو انت صاحب طموح عالي مش هو التخصص اللي يرضي طموحك قوى